بلاول بھٹو کی ملتان آمد، یوسف گیلانی نے استقبال کیا

ملتان (جنگ نیوز،سٹاف رپورٹر) چیئرمین پاکستان پیپلز پارٹی بلاول بھٹو زرداری آج ملتان پہنچے۔ ان کے ہمراہ گورنر پنجاب سردار سلیم حیدر اور صوبائی وزیر ٹرانسپورٹ سندھ سید اویس قادر شاہ بھی موجود تھے۔ ملتان ایئرپورٹ پر چیئرمین سینیٹ سید یوسف رضا گیلانی نے بلاول بھٹو زرداری کا پُرتپاک استقبال کیا۔ اس موقع پر سینیٹر رانا محمود الحسن، ایم این اے سید عبدالقادر گیلانی، ایم این اے سید علی قاسم گیلانی، ایم این اے سید علی موسیٰ گیلانی اور دیگر رہنما بھی شریک تھے۔ ایم پی اے رانا اقبال سراج، بیرسٹر مدثر شاہ، خواجہ رضوان عالم، راؤ ساجد، عبدالقادر شاہین اور رانا طاہر شبیر سمیت اہم شخصیات بھی ایئرپورٹ پر موجود تھیں ۔