پنجاب میں مزدوروں کی کم ازکم اجرت 40 ہزار روپے ،نوٹیفکیشن جاری

لاہور ( جنرل رپورٹر ) حکومت نے مزدوروں کے حقوق کے تحفظ اور ان کی معاشی خوشحالی کے لیے بڑا قدم اٹھاتے ہوئے کم از کم اجرت کا نوٹیفکیشن جاری کر دیا ہے۔ صوبائی وزیر محنت و افرادی قوت ملک فیصل ایوب کھوکھر نے بتایا کہ صوبے بھر کے محنت کشوں کو اب 26 ورکنگ ڈیز کے حساب سے 40 ہزار روپے ماہانہ اجرت دی جائے گی۔ اس فیصلے کے مطابق آٹھ گھنٹے یومیہ کام کرنے والے مزدور کو کم ازکم 1538 روپے 46 پیسے یومیہ اجرت ملے گی۔وزیر محنت نے واضح کیا کہ محکمہ لیبر ویلفیئر کی تمام فیلڈ فارمیشنز کو ہدایت کر دی گئی ہے کہ وہ کم از کم اجرت پر ہر صورت عمل درآمد یقینی بنائیں۔ انہوں نے کہا کہ قانون کی خلاف ورزی کرنے والے اداروں کے خلاف سخت کریک ڈاو ¿ن کیا جائے گا۔ملک فیصل ایوب کھوکھر نے کہا کہ پنجاب حکومت مزدوروں کی فلاح و بہبود کے لیے عملی اقدامات کر رہی ہے اور یہ تاریخی فیصلہ محنت کش طبقے کو ریلیف دینے اور ان کی زندگی میں بہتری لانے کے لیے ایک سنگ میل ثابت ہوگا۔