ایک لاکھ میٹرک ٹن چینی کی درآمد؛سب سے کم بولی 545ڈالر فی میٹرک ٹن آئی

اسلام آ باد ( رانا غلام قادر)ٹریڈنگ کارپوریشن آف پاکستان نےایک لاکھ میٹرک ٹن چینی درآمد کیلئے 5بولیوں کے موصول ہونےسےمتعلق رپورٹ جاری کردی۔رپورٹ کے مطا بق ٹی سی پی کوگذشتہ ٹینڈر کے مقابلے میں کم ریٹ پر بولیاں موصول ہوئی ہیں۔ رپورٹ کے مطا بق ٹی سی پی کوٹینڈر کےتحت کم سے کم بولی545 ڈالرزفی میٹرک ٹن ملی۔سوسڈن میڈل ایسٹ UAEنےسب سے کم بولی دی ،TCPکوگذشتہ ٹینڈر کے مقابلے میں کم ریٹ پر بولیاں موصول , ٹی سی پی نےچینی کےایک لاکھ میٹرک ٹن کا ٹینڈر8ستمبرکو کھولا تھا۔ ٹینڈر کے تحت 545 سے لیکر 578اعشاریہ 50ڈالرز فی میٹرک ٹن بولیاں موصول ہوئی ہیں۔رپورٹ کے مطا بق ٹینڈر میںسوسڈن میڈل ایسٹ یو اے ای نےسب سے کم بولی دی۔ٹریڈنگ کارپوریشن آف پاکستان چینی کاٹینڈر ایوارڈ کرنےسےمتعلق فیصلہ بعد میں کرے گا۔اس سےقبل ٹی سی پی نے2 لاکھ ٹن چینی کی درآمد کے لیے ٹینڈر21 اگست کو کھولاتھا۔ٹریڈنگ کارپوریشن آف پاکستان کو ٹینڈرمیں6 بولیاں موصول ہوئیں تھیں۔ٹی سی پی کوچینی کےٹینڈر کےتحت کم سے کم بولی560ڈالرزفی میٹرک ٹن ملی تھی۔ ٹینڈرکےتحت560سے لیکر592 ڈالرز فی میٹرک ٹن بولیاں موصول ہوئیں تھیں۔ ٹینڈر میں بیئر سینڈکٹ ایف زیڈ سی او یو اے ای نے سب سے کم بولی دی تھی ۔وفاقی کابینہ نےاس سال جولائی میں5 لاکھ میٹرک ٹن چینی درآمد کرنے کی منظوری دی تھی ۔چینی سرکاری سطح پر ٹی سی پی کے ذریعےدرآمد کرنے کا فیصلہ کیا گیا تھا۔ وفاقی حکومت نےچینی کی درآمد پر ٹیکسزسے استثنیٰ دے رکھا ہے۔