طالبان مخالفین سے ملاقاتوں کا الزام، کابل سے بھارتی سفارتکار کو نکال دیا گیا

کابل( جنگ نیوز)افغانستان کی طالبان حکومت نے بھارت کے سینئر سفارت کار ہریش کمار کو ملک سے بےدخل کر دیا۔افغان میڈیا کے مطابق ہریش کمار پر الزام ہے کہ وہ طالبان کے مخالفین سے ملاقاتیں کر رہے تھے اور انہیں منظم کرنے کی کوشش کر رہے تھے۔ذرائع کے مطابق ہریش کمار کابل میں سابق افغان حکومت ختم ہونے کے بعد سے بھارتی سفارت کار اور انٹیلی جنس افسر کے طور پر تعینات تھا۔ افغان میڈیا نے ذرائع کے حوالے سے بتایا کہ ہریش کمار کو ’ناپسندیدہ شخصیت‘ قرار دیتے ہوئے 17 اگست کو کابل چھوڑنے کا حکم دیا گیا۔