ایٹمی پروگرام پر لگے الزامات بے بنیاد ہیں،ایرانی صدر

تہران( جنگ نیوز)ایرانی صدر نے کہا ہے کہ ایران کے ایٹمی پروگرام پر لگے الزامات بالکل بے بنیاد ہیں۔ مسعود پزشکیان نے کہا ہے کہ ایرانی ریاستی دفاعی ڈاکٹرین میں ایٹمی ہتھیاروں کی کوئی جگہ نہیں ہے۔ امریکی میڈیا کو انٹرویو دیتے ہوئے ایرانی صدر مسعود پزشکیان نے ایٹمی پروگرام کے حوالے سے بات کرتے ہوئے کہا کہ ہم دنیا کو ہر قسم کی ضمانت دینے کیلئے تیار ہیں کہ ہمارے ایٹمی پروگرام میں ایٹمی ہتھیاروں کا حصول شامل نہیں ہے۔