پنجاب حکومت کو مدد چاہیے تو ہم تیار ہیں، یہ سیاست نہیں، خدمت کا وقت ہے،شازیہ مری

اسلام آباد(اپنے رپورٹرسے)مرکزی ترجمان پاکستان پیپلز پارٹی پارلیمنٹرینز شازیہ مری نے پنجاب حکو مت کوتجویز دیتے ہوئے کہا ہے کہ ہم سیاسی لڑائی بعد میں لڑیں گے، ابھی پنجاب کے سیلاب متاثرین کی مدد ضروری ہے۔اگر پنجاب حکومت کو مدد چاہیے تو ہم تیار ہیں، یہ سیاست نہیں، خدمت کا وقت ہے۔بلاول بھٹو زرداری نے ہمیشہ موسمیاتی تبدیلی کے اثرات اجاگر کیئے۔بطور وزیرِ خارجہ، بلاول بھٹو نے پاکستان کے عالمی تعلقات مضبوط کیئے۔انہوں نے کہا کہ پیپلز پارٹی سیلاب متاثرین کے لیئے مدد مانگ رہی ہے، پنجاب حکومت حملے کر رہی ہے۔بلاول بھٹو نے وفاق سے مطالبہ کیا کہ فوری ریلیف بے نظیر انکم سپورٹ پروگرام کے ذریعے دیا جائے، پنجاب حکومت حملے کر رہی ہے۔کسانوں کے لیئے زرعی ایمرجنسی ضروری ہے، پنجاب حکومت کو لڑنے سے فرصت نہیں۔پنجاب کے سیلاب متاثرین کو ریلیف چاہیئے، سیاست نہیں۔ماضی میں بھی بے نظیر انکم سپورٹ پروگرام نے بروقت امداد دے کر اپنی کارکردگی ثابت کی۔