برطانیہ، مسجد کو آگ لگا دی گئی، اندر موجود دو افراد محفوظ نکل آئے

لندن (جنگ نیوز) برطانیہ میں مسجد کو آگ لگا دی گئی، اندر موجود دو افراد محفوظ نکل آئے۔ پولیس نے واقعہ نفرت انگیز جرم قرار دیدیا، سی سی ٹی وی فوٹیج میں دو نقاب پوش افراد کو آگ لگاتے نظر آئے۔مسلم کمیونٹی نے واقعے کی شدید مذمت کی اور حکام سے مسلمانوں کی عبادت گاہوں کے تحفظ کے لیے فوری اقدامات کا مطالبہ کیا۔ غیر ملکی میڈیا کے مطابق برطانیہ کے علاقے پیس ہیون، ایسٹ سسیکس میں گذشتہ رات ایک مسجد کو آگ لگا دی گئی۔ واقعے کے وقت مسجد میں دو افراد موجود تھے جو خوش قسمتی سے محفوظ رہے۔ سی سی ٹی وی فوٹیج میں دو افراد نقاب پہنے ہوئے دکھائی دیتے ہیں جو مسجد کے اندر جانے کی کوشش کرتے، دروازے پر کیمیکل یا مائع ڈال کر آگ لگاتے ہیں۔