پاکستان اور آئی ایم ایف کے درمیان بجٹ اہداف میں تبدیلی پر بات چیت

اسلام آباد (مہتاب حیدر)پاکستان اور آئی ایم ایف کے درمیان بجٹ اہداف میں تبدیلی پر بات چیت، ابتدائی تخمینے غلط ثابت، سیلاب سے 650 ارب روپے کا نقصان، بین الاقوامی ڈونرز کی حتمی رپورٹ کا انتظار۔ تفصیلات کے مطابق حالیہ تباہ کن سیلاب کے نتیجے میں جی ڈی پی کی شرح نمو میں ممکنہ کمی کے پیش نظر، پاکستان اور عالمی مالیاتی فنڈ موجودہ مالی سال کے بجٹ اہداف میں تبدیلیاں کرنے کی جانب بڑھ رہے ہیں۔ ابتداء میں یہ اندازہ لگایا گیا تھا کہ سیلاب سے زیادہ تباہی نہیں ہوئی، لیکن اب کیے گئے ’’ریپڈ نیڈ اسیسمنٹ‘‘ سے یہ ظاہر ہوا ہے کہ نقصانات مسلسل بڑھ رہے ہیں اور چاروں صوبوں میں اس کا تخمینہ 650 ارب روپے ہے۔