سیالکوٹ میں نئی انڈسٹریل اسٹیٹ کے قیام کی منظوری، سرکاری اراضی کے ایک ایک انچ کی حفاظت ہمارا فرض، وزیر اعلیٰ مریم نواز

لاہور(خصوصی نمائندہ)وزیراعلیٰ مریم نواز نے سیالکوٹ میں نئی انڈسٹریل اسٹیٹ کے قیام کی اصولی منظوری دے دی۔ اجلاس میں سیالکوٹ ایئرپورٹ کے قریب 400ایکڑ رقبے پر انڈسٹریل اسٹیٹ قائم کرنے پر اتفاق کیا گیا۔ وزیراعلیٰ مریم نواز شریف کی زیر صدارت انڈسٹریل اسٹیٹس سے متعلق خصوصی اجلاس منعقد ہوا۔وزیر اعلیٰ مریم نواز نے کہا کہ سرکاری اراضی کے ایک ایک انچ کی حفاظت ہمارا فرض ہے، سابقہ دور حکومت میں ناک کے نیچے فراڈ ہوتا رہا، کسی نے پروا ہ نہیں کی۔دیہی خاتون سمیت ہر عورت کا تحفظ میری ریڈ لائن ہے۔ اجلاس میں بھلوال، وہاڑی اور بہاولپور انڈسٹریل اسٹیٹ سعودی سرمایہ کاروں کوآفر کرنے کی تجویز کا جائزہ لیا گیا۔ اس موقع پر پنجاب میں 4 انڈسٹریل اسٹیٹ غیرملکی سرمایہ کاروں کو آفر کرنے کا اصولی فیصلہ کیا گیا۔