وفاقی بیوروکریسی میں تقرر و تبادلے،سینئر جوائنٹ سیکریٹری ندیم احمد ملک او ایس ڈی

اسلام آ باد ( رانا غلام قادر)وفاقی بیوروکریسی میں تقرر و تبادلے کئے گئے ہیں۔ سینئر جوائنٹ سیکریٹری اسٹیبلشمنٹ ڈویژن اور سیکر ٹیریٹ گروپ کے گریڈ اکیس کے افسرندیم احمد ملک او ایس ڈی بنا دیئے گئے ہیں۔محمد ظفر جمال خٹک چیف فنانس اینڈ اکاؤنٹس افسر اوورسیز پاکستانیز،ماجد سعید رانجھا  فنانس اینڈ اکاؤنٹس افسر اسٹیبلشمنٹ تعینات، شینا علی منصور کی فنا نشل ایڈٖوائزر ملٹری  تعیناتی میں دو سال  توسیع، محمد عدنان نذیر کی خدمات پلاننگ ڈویژن کو واپس ،سیکرٹری واپڈا فخر زمان علی چیمہ  کی خدمات آڈیٹر جنرل آفس کو واپس،محمد ارشد رانا جنرل منیجر ایڈمن واپڈا  تعینات،چیف فنانس اینڈ اکاؤنٹس افسر اسٹیبلشمنٹ ڈویژن اور پا کستان آڈٹ اینڈ اکا ئونٹس سروس کے گریڈ بیس کے افسر محمد ظفر جمال خٹک کو تبدیل کر کے چیف فنانس اینڈ اکاؤنٹس افسر اوورسیز پاکستانیز ڈویژن تعینات کیا ہے۔ تقرر ی کے منتظر پا کستان آڈٹ اینڈ اکا ئونٹس سروس کے گریڈانیس کے افسر ماجد سعید رانجھا کو فنانس اینڈ اکاؤنٹس افسر اسٹیبلشمنٹ ڈویژن تعینات کیا گیا ہے۔پاکستان آڈٹ اینڈ اکا ئونٹس سروس کی گریڈ بیس کی افسر مس شینا علی منصور کی بطور فنا نشل ایڈٖوائزر ملٹری فنا نس ونگ تعیناتی میں دو سال کی توسیع کی گئی ہے۔اکا نومسٹ اینڈ پلانر گروپ کے گریڈ بیس کے او ایس ڈی محمد عدنان نذیر کی خدمات پلاننگ ڈویژن کو واپس کردی گئی ہیں۔ ملک رضوان کی وزارت دفاع میں بطور سیکشن افسر تعیناتی میں ایک سال کی توسیع کی گئی ہے۔سیکرٹری واپڈا فخر زمان علی چیمہ کو تبدیل کردیاگیا ہے۔ وہ پاکستان آڈٹ اینڈ اکا ئونٹس سروس کے گریڈ بیس کے افسر ہیں۔ ان کی خدمات آڈیٹر جنرل آفس کو واپس کردی گئی ہیں۔