رجسٹرار سپریم کورٹ نے دفتری اوقات میں ملازمین سے ملاقاتوں پر پابندی عائد کردی

اسلام آباد (جنگ رپورٹر)رجسٹرار سپریم کورٹ نے دفتری اوقات میں ملازمین سے ملاقاتوں پر پابندی عائد کردی ،اسسٹنٹ رجسٹرارارشاد حسین کے دستخطوں سے جاری آفس آرڈر کے مطابق دفتری اوقات میں ملازمین سے لوگوں کی ملاقاتوں کی وجہ سے ادارہ جاتی کام بری طرح متاثر ہوتا ہے، اس لئے آئندہ دفتری اوقات میں ملازمین کسی پرائیویٹ شہری سے ملاقات نہیں کریں گے،اگر ملاقات ضروری ہوئی تو متعلقہ ملازم اپنے کسی سینئر سے اجازت لے کرسپریم کورٹ کے سہولت مرکز میں جاکر اس کے ساتھ صرف پانچ منٹ کے لیے ملاقات کر سکے گا ،اس حکمنامہ سے تمام متعلقین کو آگاہ کردیا گیا ہے ۔