صوبوں کو فنڈ دے کر وفاق کے پاس کچھ نہیں بچتا،بیرسٹر عقیل ملک

کراچی (ٹی وی رپورٹ) جیو کے پروگرام ”کیپٹل ٹاک “ میں میزبان حامد میر سے گفتگو کرتے ہوئے وزیر مملکت قانون و انصاف بیرسٹر عقیل ملک نے کہا کہ صوبوں کو فنڈ دے کر وفاق کے پاس کچھ نہیں بچتا، این ایف سی کے تحت صوبوں کو 57 فیصد پیسے دے دیئے جاتے ہیں جس کے بعد وفاق کے پاس دوسرے معاملات چلانے کے لیے کچھ نہیں بچتا ہے۔ پیپلز پارٹی کی سینیٹر پلوشہ خان نے کہاکہ اٹھارہویں ترمیم اور این ایف سی پیپلز پارٹی کی ریڈ لائن ہے اور اگر ایسا ہوتا ہے تو صرف پیپلز پارٹی نہیں صوبوں کو بھی اس پر اعتراض ہوگا۔تحریک انصاف کے شفقت اعوان نے دعویٰ کیا کہ اپوزیشن کی طرح حکومتی ارکان کو بھی ستائیسویں ترمیم کے مسودے کا علم نہیں ہے۔