بیلہ : کے الیکٹرک کو ایوارڈزدینے پر شدید عوامی ردعمل

بیلہ (نامہ نگار) ڈپٹی کمشنر لسبیلہ کی جانب سے کراچی الیکٹرک کے حکام کو بہترین کوآرڈینیشن کے نام پر تعریفی اسناد اور ایوارڈز دیئے جانے کے خلاف عوام میں شدید غم و غصہ پایا جا رہا ہے عوامی حلقوں کا کہنا ہے کہ کراچی الیکٹرک کی کارکردگی سالہا سال سے نہ ہونے کے برابر ہے اور بجلی کی مسلسل بندش نے شہروں اور دیہاتوں میں زندگی اجیرن بنا رکھی ہے انہوں نے ڈپٹی کمشنر کے اس اقدام کو عوام کے زخموں پر نمک چھڑکنے کے مترادف قرار دیتے ہوئے کہا کہ بجلی کی ابتر صورتحال کے باوجود کے الیکٹرک کے حکام کو ایوارڈز سے نوازنا سمجھ سے بالاتر ہے ۔