بلدیاتی انتخابات میں فارم 47والوں کیلئے میدان کھلا نہیں چھوڑا جائیگا، نیشنل پارٹی

کوئٹہ(اسٹاف رپورٹر)نیشنل پارٹی کے رہنماؤں نے کہا ہے کہ بلدیاتی نظام اختیارات نچلی سطح تک منتقل اور عوامی نمائندگی کو فعال بنانے کا اہم ذریعہ ہے ۔ نیشنل پارٹی جمہوری اقدار اور عوامی شمولیت پر یقین رکھتی اور چاہتی ہے کہ عوام کو اپنے مسائل کے حل میں براہ راست کردار ملے ۔ ان خیالات کا اظہار نیشنل پارٹی کے مرکزی ترجمان علی احمد لانگو ، ممبر مرکزی کمیٹی و ضلع کوئٹہ کے صدر حاجی عطاء محمد بنگلزئی ، ممبر مرکزی کمیٹی ڈاکٹر رمضان ہزارہ ، سید ضیاء الدین ، علامہ ابراہیم حسینی ، آغا کربلائی ، حسن علی ہزارہ اور دیگر نے ہزارہ ٹاون میں بلدیاتی انتخابات کے سلسلے میں کارنر اجلاس سے خطاب کرتے ہوئے کیا ۔