27 ویں آئینی ترمیم کے بھیانک نتائج سامنے آئیں گے ،مولانا لونی

کوئٹہ(اسٹاف رپورٹر)جمعیت علماء اسلام نظریاتی پاکستان کے مرکزی امیر مولانا عبدالقادر لونی نے کہا ہے کہ 27 ویں آئینی کے ملک میں بھیانک نتائج سامنے آئیں گے ، حکومت نے دوسری بار ترمیم سے آئین کو روندا ہے ، ملک میں غیرآئینی قوانین سے ملک کی اساس کو کمزور کیا جارہا ہے ۔ ایک بیان میں انہوں نے کہا کہ ملک میں آئین کو خاموش کرنے کی کوشش ہورہی ہے ، غیرآئینی اقدام کا واحد مقصد اپنی حکومت بچانے کی تگ و دو کرنا ہے ملکی مسائل پر پارلیمنٹ کے پاس فیصلے کا کوئی اختیار نہیں رہا ۔