کوئٹہ :حوالہ ، ہنڈی اورغیر قانونی کرنسی ایکسچینج میں ملوث 2 افراد گرفتار

کوئٹہ (اسٹاف رپورٹر) ایف آئی اےکوئٹہ نے حوالہ ہنڈی اور غیرقانونی کرنسی ایکسچینج میں ملوث 2افراد کو گرفتار کرکے لاکھوں روپے کی ملکی اور غیر ملکی کرنسی قبضے میں لے لی۔یف آئی اے ذرائع کے مطابق ایف آئی اے نے خفیہ اطلاع پر کوئٹہ میں کارروائی کرتے ہوئے حوالہ ہنڈی اور غیر قانونی کرنسی ایکسچینج میں ملوث2ملزمان محمدموسیٰ اور محمد علی کو گرفتار کرکے انکے قبضے سے 6100 امریکی ڈالر، 43 لاکھ 50 ہزار سے زائد پاکستانی روپے برآمدکرلئے۔ملزمان بغیر لائسنس کرنسی ایکسچینج کا کاروبار کر رہے تھے گرفتار ملزمان سے موبائل فونز، غیر قانونی کرنسی ایکسچینج اور حوالہ ہنڈی سے متعلق شواہد بھی برآمد کر لیے گئے ۔