پاکستان میں بین الاقوامی اسپیکرز کانفرنس ایک اہم سنگِ میل ہے، خالق اچکزئی

کوئٹہ(اسٹاف رپورٹر)بلوچستان اسمبلی کے اسپیکر کیپٹن (ر) عبدالخالق اچکزئی نے کہا ہے کہ پاکستان میں پہلی مرتبہ بین الاقوامی اسپیکرز کانفرنس کا انعقاد ہمارے پارلیمانی نظام کے لیے ایک اہم سنگِ میل ہے ۔ انہوں نے اسپیکرز اور مختلف ممالک سے کانفرنس میں شرکت کے لئے آنے والے مندوبین کو خوش آمدید کہتے ہوئے کہا کہ یہ تاریخی موقع پارلیمانی تعاون کے فروغ ، مکالمے کے استحکام اور جمہوری اداروں کو درپیش چیلنجز کے حل کے لیے نئے راستے کھولے گا ۔ انہوں نے کہا کہ اس کانفرنس کے ذریعے شرکاء کو بہترین مواقع میسر آئیں گے جہاں وہ اپنے تجربات ، خیالات کا تبادلہ کرسکیں گے اس سے نہ صرف جمہوری اداروں کو تقویت ملے گی بلکہ بہتر طرز حکمرانی اور شفافیت کے فروغ میں بھی مدد ملے گی ۔