جھل مگسی، دو گروہوں میں فائرنگ سے ایک شخص ہلاک ، راہگیر زخمی

گنداواہ( نامہ نگار)جھل مگسی میں دو گوہوں کے درمیان شدید فائرنگ کے نتیجے میں شخص موقع پر ہلاک جبکہ راہگیر گولیاں لگنے سے شدید زخمی ہو گیا۔ تفصیلات کے مطابق پولیس تھانہ ہتھیاری کی حدود میں دو گروپوں کے درمیان شدید فائرنگ کا تبادلہ ہواجس میں ایک شخص محمد بچل ولددین محمدوزدانی موقع پر ہلاک جبکہ راہگیرعلی محمد ولد میر حسن گولیاں لگنے سے شدید زخمی ہو گیا ۔واقع کی اطلاع ملنے پر ڈی ایس پی سرکل جھل مگسی گنداواہ سومر خان جمالی،ایس ایچ او صوبہ خان پولیس پارٹی کے ہمراہ موقع پر پہنچ گئے اور ہلاک ہونے والے کی لاش اور زخمی کو تحویل میں لیکر آر ایچ سی جھل مگسی پہنچایا جہاں ضروری کارروائی کے بعد لاش ورثا کے حوالے کر دی گئی۔