2 دسمبر کی ضلعی کانفرنس پارٹی کو مزید فعال بنانے میں معاون ہوگی ، پشتونخوانیپ

کوئٹہ (اسٹاف رپورٹر) پشتونخوا نیپ کے رہنمائوں نے کہا ہے کہ پارٹی کو تنظیمی طور پر مزید فعال بنانے اور ان کے اداروں کے بروقت اجلاسوں کا انعقاد لازمی ہے۔ پارٹی عہدیداروں اور کارکنوں نے پارٹی نظم و ضبط کے ساتھ اپنی فعالیت کو دو بالا کرنی ہوگی۔ پشتون افغان ملت کو درپیش سنگین صورتحال سے نجات کیلئے منظم اور مسلسل جدوجہد لازمی ہے۔ان خیالات کا اظہار پارٹی کے مرکزی سیکرٹری اطلاعات محمد عیسیٰ روشان ، صوبائی سیکریٹری اول فقیر خوشحال کاسی، صوبائی ڈپٹی سیکریٹری پروفیسر اسد ترین ، ضلعی سینئر معاون نصیب اللہ کلیوال ، سردارزادہ فیصل خان ترین اور حاجی تیمور شاہ نے تحصیل پشین کے عہدیداروں کے اجلاس سے خطاب کرتے ہوئے کیا۔ اجلاس میں پارٹی کے 02 دسمبر کو ہونے ہوالے ضلعی کانفرنس کامیابی کیلئے مختلف فیصلے کیے گئے ۔ انہوں نے کہا کہ پارٹی کے ضلعی کانفرنس کا انعقاد پارٹی کو مزید فعال بنانے میں معاون ثابت ہوگی۔