زکربرگ کا بیماریوں کے علاج میں AIاستعمال کیلئے نیامنصوبہ شروع کرنیکا اعلان

کراچی (نیوز ڈیسک)میٹا کے شریک بانی مارک زکربرگ اور ان کی اہلیہ نے اعلان کیا ہے کہ وہ مصنوعی ذہانت (AI) کو سائنسدانوں کی مدد کے لیے استعمال کرنے کا ایک نیا اقدام شروع کر رہے ہیں تاکہ بیماریوں کا علاج ممکن بنایا جا سکے۔ چیان زکربرگ انسٹی ٹیوٹ بایو ہب کے قیام کے ساتھ ورچوئل خلیات اور مدافعتی نظام تیار کرے گا۔ زکربرگ نے بتایا کہThe Chan Zuckerberg Initiative ایک بایو ہب قائم کرے گا، جو فرنٹیئر AI اور حیاتیات کو یکجا کرتے ہوئے تحقیق میں پیش رفت کرے گا۔ اس منصوبے کے تحت سائنسدان، AI کے ماہر، بڑے کمپیوٹر کلسٹر اور انسانی خلیات کے ڈیٹا سیٹس استعمال کر کے ورچوئل خلیات اور مدافعتی نظام تیار کریں گے۔ میٹا پلیٹ فارمز نے بھی اعلان کیا کہ وہ اگلے تین سالوں میں امریکہ میں 600 ارب ڈالر خرچ کرے گا، بنیادی طور پر AI ڈیٹا سینٹرز بنانے اور ملازمتیں پیدا کرنے کے لیے۔