پاکستان کیساتھ استنبول مذاکرات ناکام جنگ بندی برقرار ہے، افغان طالبان

کابل(نیوز ڈیسک)افغان طالبان کے ترجمان نے گزشتہ روز کہا کہ افغانستان اور پاکستان کے درمیان امن مذاکرات ناکام ہو گئے ہیں،تاہم، دونوں ہمسایہ ممالک کے درمیان جنگ بندی جاری ہے۔ذبیح اللہ مجاہد نے کہا کہ مذاکرات اس لیے ناکام ہوئے کیونکہ اسلام آباد نے اصرار کیا کہ افغانستان پاکستان کی اندرونی سلامتی کی ذمہ داری سنبھالے، ایک ایسا مطالبہ جسے انہوں نے افغانستان کی اہلیت سے باہر قرار دیا۔تاہم، انہوں نے کہا کہ جو جنگ بندی قائم کی گئی ہے وہ ابھی تک ہماری طرف سے نہیں توڑی گئی ہے، اور اس پر عمل درآمد جاری رہے گا۔