کسٹم نے دو کروڑ روپے مالیت کے سمگل شدہ سگریٹ ضبط کر لیے

اسلام آباد (کامرس رپورٹر)کسٹم نے 2 کروڑ روپے سے زائد مالیت کےسمگل شدہ سگریٹ ضبط کر لیے ،کلکٹریٹ آف کسٹم انفورسمنٹ ملتان نے نومبر کے پہلے دوہفتوں کے دوران انسداد سمگلنگ کی کارروائیوں میں 2 کروڑ 11 لاکھ 34 ہزار روپے مالیت کےسمگل شدہ سگریٹ پکڑیں ہیں۔ضبط کی گئی اشیاء میں مختلف برانڈ کے سمگل شدہ غیر ملکی سگریٹس کے 10,701 پیکٹس اور 21لاکھ 40 ہزار سگریٹ سٹک شامل ہیں۔