پنجگور: گھر پر راکٹ گرنے سے باپ اور 2بچے زخمی

پنجگور(نامہ نگار) پنجگور کے علاقے چتکان شہر میں ایک گھر پر دو راکٹ گرنے سے صدیق ولد لال محمد نامی شخص اور اس کے 2 بچے زخمی ہوگئے۔ زخمیوں کو ٹیچنگ ہسپتال پنجگور منتقل کردیا گیا پولیس ذرائع کے مطابق پنجگور میں صبح نامعلوم سمت سے دو راکٹ چتکان میں صدیق نامی شخص کے گھر میں آگرے ، جس سے صدیق اور اسکے دو بچے شدید زخمی ہوگئے جن کی عمریں 4 سے5 سال بتائی جاتی ہیں جبکہ گھر کو بھی نقصان پہنچا ہے سیکورٹی فورسز نے علاقے کو گھیرے میں لے کر سرچ آپریشن شروع کردیا ہے۔