بیو رو کریسی تقرر و تبادلے؛ ڈاکٹر شمائلہ عمر ڈائریکٹرنیکٹاکی تعیناتی میں توسیع

اسلام آ باد ( رانا غلام قادر )وفاقی بیو رو کریسی میں تقرر و تبادلے ، ؛ڈاکٹر شمائلہ عمر (گریڈ 19) کی ڈیپوٹیشن پر نیشنل کاؤنٹر ٹیررازم اتھارٹی (نیکٹا) اسلام آباد میں بطور ڈائریکٹر تعیناتی کی مدت میں ایک سال کی توسیع ، ڈاکٹر زینب نوشیروانی نرم ہسپتال میں میڈیکل آفیسر ،محمد عارف اسسٹنٹ رجسٹرار انٹیلیکچوئل پراپرٹی آرگنائزیشن مقرر جبکہ محمد شاہد بشیر کی متروکہ وقف املاک بورڈ میں ڈیپوٹیشن پر تعیناتی میں بھی توسیع کر دی گئی ۔ اسٹیبلشمنٹ ڈویژن کے جا ری کر دہ نوٹیفکیشن کے مطا بق لیڈی میڈیکل آفیسر ڈاکٹر زینب خالد نوشیروانی (بی ایس-17) کو محکمۂ صحت بلوچستان سے نیشنل انسٹی ٹیوٹ آف ری ہیبلیٹیشن آف میڈیسن (نرم) اسلام آباد میں میڈیکل آفیسر کے عہدے پر 3 سال کی ڈیپوٹیشن پر تعینات کیا گیا جبکہ سردار بہادر خان ویمن یونیورسٹی کوئٹہ کی اسسٹنٹ پروفیسر ڈاکٹر شمائلہ عمر (گریڈ 19) کی ڈیپوٹیشن پر نیشنل کاؤنٹر ٹیررازم اتھارٹی (نیکٹا) اسلام آباد میں بطور ڈائریکٹر تعیناتی کی مدت میں ایک سال کی توسیع کی گئی جو کہ 27 دسمبر 2025 سے شمار ہو گی۔