ایپل کا آئی فونز میں بھارتی حکومت کی سائبر سکیورٹی ایپلی کیشن شامل کرنے سے انکار

کراچی(نیوز ڈیسک)ایپل کا آئی فونز میں بھارتی حکومت کی سائبر سکیورٹی ایپلی کیشن شامل کرنے سے انکار ،بھارتی حکومت نے کمپنیوں کو خفیہ طور پر اپنے فونز میں سنچار ساتھی نامی سرکاری ایپ شامل کرنے کا حکم دیا تھا ،مودی کے اس قدام کو ڈیجیٹل پرائیویسی ماہرین اور حزب اختلاف کی جانب سے بھی شدید تنقید کا سامنا ہے ۔آئی فونز بنانے والی کمپنی ایپل نے بھارت کی جانب سے سرکاری سائبر سیفٹی ایپلی کیشن کو اسمارٹ فونز میں لازمی طور پر پری لوڈ کرنے کے حکم پر عمل نہ کرنے کا فیصلہ کیا ہے۔ غیر ملکی خبررساں ایجنسی نے ذرائع کا حوالہ دیتے ہوئے کہا ہے کہ ایپل اپنے تحفظات بھارتی حکام تک پہنچائے گا کیونکہ حکومت کے اس اقدام سے صارفین کی نگرانی سے متعلق خدشات پیدا ہوگئے ہیں۔