عمر ایوب، شبلی فراز سمیت PTIکے 18افراد اشتہاری قرار، جائیدادیں ضبط

راولپنڈی (نمائندہ جنگ) راولپنڈی میں انسداد دہشت گردی کی خصوصی عدالت نے عمر ایوب، شبلی فراز سمیت PTIکے 18افراد کو اشتہاری قرار دے کر جائیدادیں ضبط کرنے کا حکم صاد ر کر دیا ۔ GHQحملہ کیس میں زرتاج گل، مہر جاوید، کنول شوذب و دیگر کی جائیداد قرقی کیلئے کارروائی شروع ،عدالت نے متعلقہ اضلاع کے ریونیو افسران کو حکم دیا کہ مذکورہ تمام ملزمان کی جائیداد قرق کر کے اس جائیداد کی خریدوفروخت روک دی جائے اگر پھر بھی ملزم عدالت میں پیش نہیں ہوتے تو مقررہ مدت کے بعد ان کی جائیداد نیلام کر دی جائے گی۔