ایف بی آر میں ٹرانسفارمیشن پلان کے تحت ان لینڈ ریونیو ونگز میں ہم آہنگی کی نئی ہدایات

اسلام آباد (رپورٹ حنیف خالد) حکومتِ پاکستان ریونیو ڈویژن فیڈرل بورڈ آف ریونیو نے 2 دسمبر 2025 کو جاری کیے گئے ایک دفتر ی حکم نامے میں کہا ہے کہ ایف بی آر میں جاری ٹرانسفارمیشن پلان کے تناظر میں ان لینڈ ریونیو کے مختلف ونگز کے درمیان زیادہ مضبوط ہم آہنگی کی ضرورت محسوس کی گئی ہے۔ اس سلسلے میں مجاز اتھارٹی نے ہدایت کی ہے کہ ایف بی آر کے ممبر (اسٹریٹجک ٹرانسفارمیشن) کی رہنمائی ان تمام امور میں حاصل کی جائے گی جن میں کسی تنقیدی یا اسٹریٹجک ان پٹ کی ضرورت ہو۔ حکم نامے کے مطابق ممبر (آئی آر آپریشنز)، ممبر (آئی آر پالیسی), ممبر (آڈٹ/CRM) اور ممبر (آرگنائزیشنل آڈٹ) آئندہ اپنی ذمہ داریوں کی انجام دہی میں ممبر اسٹریٹجک ٹرانسفارمیشن سے رہنمائی حاصل کریں گے۔