چین میں شرحِ پیدائش بڑھانے کیلئے نئی پالیسیوں کا آغاز

کراچی (نیوز ڈیسک) چین میں شرحِ پیدائش بڑھانے کیلئے نئی پالیسیوں کا آغاز، 1993 کے بعد پہلی بار مانع حمل مصنوعات پر 13 فیصد وی اے ٹی لاگو، ایک بچہ پالیسی دور کے برعکس پیدائش بڑھانے پر توجہ، بچوں کی پرورش اور شادی سے متعلق خدمات پر ٹیکس چھوٹ، شرحِ پیدائش میں مسلسل کمی نے بیجنگ کو پالیسیوں پر نظرثانی پر مجبور کیا۔ غیر ملکی میڈیا کے مطابق چین نے کم ہوتی شرحِ پیدائش کے مقابلے کے لیے تولیدی پالیسیوں میں بڑی تبدیلی کرتے ہوئے جنوری سے مانع حمل ادویات اور آلات بشمول کنڈوم پر13فیصد ویلیو ایڈڈ ٹیکس دوبارہ نافذ کرنے کا فیصلہ کیا ہے، جو 1993سے مستثنیٰ تھے۔