کراچی ایئرپورٹ پر غیر ضروری آف لوڈنگ تقریبا ختم

کراچی (اسد ابن حسن)کراچی ایئرپورٹ پر غیر ضروری آف لوڈنگ تقریبا ختم کر دی گئی۔ امیگریشن کے اعلی ذرائع کے مطابق اب کراچی میں آف لوڈنگ 99فیصد تک کم ہو گئی ہے۔ ورک ویزہ پر جانے والے ان افراد کو آف لوڈ کیا جا رہا ہے جن کے پاس پروٹیکٹر نہیں ہے۔ عمرے پر جانے والے افراد کو بھی ویزا، دو طرفہ کنفرم ٹکٹ، ہوٹل کی بکنگ اور سفری اخراجات کی رقم موجود ہونے پر جانے دیا جا رہا ہے۔ اب کراچی ایئرپورٹ پر ایسی کوئی پابندی نہیں ہے کہ پنجاب کا شہری پہلی دفعہ سفر کر رہا ہو تو وہ کراچی سے نہیں جا سکتا۔